Свята «Шчодрык»

Шчодрык або Шчодрая куцця –  вечар з 13 на 14 студзеня, калі гаспадары гатуюць другую (багатую, шчодрую) куццю, бліны з верашчакай і смажанай каўбасой, крупнік.

Шмат часу на Шчодрык надавалі варажбе. Варажылі і дарослыя, і дзеці, а асабліва незамужнія дзяўчаты, якія хацелі даведацца, што іх чакае ў будучым годзе.

Абрад «шчадравання» вызначаўся абыходам двароў гуртом шчадроўнікаў, спевамі песень-шчадровак, услаўленнем гаспадара і гаспадыні.

Чакаем Вас на нашым свяце!

Вас чакае:

• Выступ фальклорнага гурта “Мілавіца”;


• Рэканструкцыя абраду абыходу двароў з в.Пагост Жыткавіцкага раёна;


• Паказ ценявога тэатра «Вяртэп»;


• Паказ лялечнага тэатра «Батлейка»;


• Традыцыйныя калядныя  варожбы;


• Зімовыя забавы і гульні;


• Беларускія народныя танцы;


• Майстар-клас па ўпрыгожваннях;


• Майстар-клас па выцінанцы;

За дадатковую плату можна:

– набыць сувеніры ад народных майстроў;

– наведаць «Беларускую карчму», якая знаходзіцца на тэрыторыі музея.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

Калі ласка, паклапаціцеся аб абутку і вопратцы згодна ўмоў надвор’я.

Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.